27 (iskay chunka qanchisniyuq) punchaw, marsu killapim, kay Estrategia Nacional de Lucha contra las Drogas (ENLCD) 2012-2016 nisqanta, decreto supremo nisqanwan, piruw kamachiq, Presidente Ollanta Humala Tasso, unancharqa.  El peruano nisqanpim qillqasqa kachkan kay unanchasqapa willakusqan. Chaynallataq unanchasqanpi, Oscar Valdés Dancuart, Presidente Consejo de Ministros, Daniel Lozada Casapia, Ministro del Interior, sutin qillqasqa kachkan.

Devidapa kay estrategia ñannin rurasqanmi kaynata nichkan: Chay sinkachikuq kukamanta rurasqa pastillakunata, kutasqakunata, inyiksiyunkunata, ama mirannapaq, sapinmanta wañuchinanpaq, nispa. Hinallataq, ranti hatupipas mana rantinachu. Pim rantikuqpas kalsilmanmi yaykunman. Kay drogas nisqanta hatallispaqa mana allin kawsamanchu apawanchik. Kay sinkachikuqkunaqa pisi kawsayman, llakiman, ñakayman, utiq yuyayninchik chinkasqaman, wañuymanpasmi aysawanchik. Pachapas runa hinam llakikun, waqan, ñakakuntaq.  Chayraykum kimsa siqipi, drogas chinkananpaq, sinkasqakuna allinyananpaq, kukapa qawanpi huk muhukunata tarpunanpaq ima, qillqasqam kachkan. Chaymi nichkan:

Huk ñiqi. Qullqi rurayta, allin kamachiyta, ayllupi sumaqlla kawsakuyta, pachanchikpas kanchiriqlla kawsakuyninta allinyachina, kawsarichina, mirarichina. Chaychiki warmi qarikuna, maqta pasñakuna, uchuy warmakuna allinlla llamkakunqa, ima pachanchikpas ñuqallanchikpaq kananpaq.

Iskay ñiqi. Wakin runakuna, kay drogas nisqanpi puriqkunaqa, rantikuqkunaqa, pastillapi mikuqkunaqa, upyaqkunaqa, fumaqkunaqa, juicio nisqanpim, llakipi hina purinqa, kalsilkamanpas yaykunqam. Chaymi sumaqta ama ñakayman yaykunapaq yachananchik, yuyaymanakuspa, chuyata hamutaspa. Chaypaqmi estadonchik yanapawasun, sumaq kawsaman apawasun.

kimsa ñiqi. Wakin llamkaqkunatam maskana kachkan, DEVIDA yanapananpaq, imayna drogaskunata, chinkachinanpaq. Kaypi hatallikuqkunata allinyachinanpaq, ayllukunapas kusisqalla kawsakunanpaq, iskuylakunapipas (yachay wasikunapipas) sumaqlla yachachiykuna kananpaq.